Kinders het nie so baie toetse en eksamens nodig nie. Dis die skokkende stelling wat ek onlans gemaak het. Beteken dit dat tuisskolers glad nie hulle kinders hoef te evalueer nie?

Nee! Ook tuisskolers moet seker maak hulle kinders is “op standaard”. Daarom was ek so opgewonde toe dr Frank Müller, entoesiastiese tuisskoolpa, op die SA Tuisskoolforum geskryf het oor 16 aspekte waaraan tuisskolers gerus kan aandag gee. Veral hier aan die einde van die jaar is so ʼn oefening ʼn baie goeie idee.

Dok Frank is ʼn mediese dokter wat mense vrymaak van medisynes deur die liggaam te help om homself te genees, pa van vyf wilder-as-die-wildtuin tuisskool kinders en man van een geduldige vrou, Ami.

(Vind hier meer uit oor Frank se werk: www.facebook.com/mydocfrank)

Moenie veral nie rekord hou NET omdat die wet dit van jou vereis nie, sê Frank. Die 16 aspekte waarna hy verwys, gee vir jou en vir jou kind ʼn grondslag vir die toekoms. As jy ooit wonder wat jy jou kind eendag moet word, lees ʼn slag deur die verslaggies wat julle elke jaar opgestel het en sekere herhalende temas gaan voorkom.

Nog ʼn punt waarop Frank klem lê, is dat nie soseer gaan oor dinge wat jy kan meet nie, maar veral oor die kwaliteit van dinge wat jou kind beter geraak het.

En waarsku hy: moenie oorweldig voel deur die lys nie. As jy nie by al 16 kan uitkom nie, fokus dan net op twee of drie van hulle.

Wat is die 16 aspekte?

As jy na die video wil kyk waar ek verduidelik hoekom toetse veral in die laerskool nie so belangrik is nie, kyk dit hier.

Ek het ook vir jou ʼn gratis werkboek saamgestel waar jy rustig en op jou eie deur elkeen van hierdie 16 aspekte kan werk. Klik op die intekenvormpie hieronder om instruksies te kry hoe om die werkboek in die hande te kry.

Hoe weet jy jou kind is “op standaard”?

Op standaard

Beplan jou tuisskooljaar beter.

Laai hierdie gratis werkboek af wat jy kan deurwerk om seker te maak jy gee hierdie jaar aandag aan al 16 hierdie belangrike aspekte.

My privaatheidsbeleid

Gemorspos is ’n pyn. Jy kan dus op enige stadium weer afteken as jy wil. Powered by ConvertKit